நிழலினதும் இரவினதும் அழுக்குகளை
துடைத்து விட்டுப் போகும்
உன் பார்வையில் பட்டுவிட துடிக்கிறது
என் இளம் வயசு!
புழுதி மண் குழியில்
தன்னை துவட்டிக்கொண்ட
குருவியின் விளையாட்டுப் போலல்ல
என் காதல்!
மீசையின் முடியை
நக்கிப் பார்க்கும்
நாக்கின் நுனியால் கொப்பளிக்கப்படும்
வெறும் வார்த்தையும் அல்ல
என் காதல்!
உன் இதயம் பூத்து
என் இதயம் சிலிர்க்கும்
காலம் வரும்
அப்போது சொல்லுவேன்
என் காதலைப்பற்றி...
விடியலை விபச்சாரம் செய்த
பனிக்கூட்டங்களின்
ரகசியத்தை
சேவலின் கூவல்
மொழி பெயர்ப்பதை போல...