வாழ்க்கை ஒரு அதிசயமான கட்டுரை

வாழ்க்கை ஒரு அதிசயமான கட்டுரை

அது காற்புள்ளிகள் மூலம்தான்

நீண்டு கொண்டிருக்கின்றது

சந்தோசம்,

வெற்றி,

திருப்தி என்பன

வினாக்குறிகள் மீது

தொங்கிக் கொண்டிருப்பவை...

விறகு...

என்னதான் தெரிந்தாலும்

என்னிடம் இருக்கும் விளக்குகளை விடவும்

தூக்கி எறிந்த விறகுகளிடமிருந்துதான்

வாழ்க்கைக்கு இங்கே வெளிச்சம் கிடைக்கிறது...

காதல்...

விடியலை விபச்சாரம் செய்த

பனிக்கூட்டங்களின்

ரகசியத்தை

சேவலின் கூவல்

மொழி பெயர்ப்பதைப்போலானது

எனது காதல்...

என் காதல்...

 

வயதுக்கு வந்த மலர்களை
சூரியன் வந்து முத்தமிட
உடைந்து போகும்
பருக்களைப் போலல்ல
என் காதல்...

உன் நினைவு

என் மூளை முழுக்கப் படர்ந்து

உயிர் தடவும் உன் நினைவுகளை

நாள்தோறும்

கவியாத்துக் கொண்டிருக்கிறேன்...