இளைஞர்களே...

நீங்கள் நட்சத்திரங்களில் ஊஞ்சல் கட்டி 

அங்கு நடைபோடும் முகில்களை உதைப்பவர்கள்
பட்டாசு இடியின் பக்கத்தில் படுத்துறங்குபவர்கள்
விட்டால் போதும் விண்ணில் ஏறிக் குதிப்பீர்கள்

துள்ளி விளையாடுவது மட்டும் துணிவல்ல
சமுதாயச் சந்தையில் சத்தமிடும் சனங்களுக்கு
விலை பேசித் தீர்த்து விடும்
விடயங்கள் பல உங்களிடம் தான்

மெல்லிய மனசும்
வலிய கரங்களும்
திடமான அறிவும்
திகைக்காத வழியும் தேடுங்கள்
இளைஞர் என்னும் போது

இனிமை பொங்க வேண்டும்
சமுதாயம் உங்களின்
புகழ் பாட வேண்டும்...