சிந்தனைக்கு...

உன்னை பலவீனப்படுத்தும்
எந்த ஒரு விஷயத்திடம்
இருந்தும் விலகியே இரு.
அது, அதிகபட்ச
அன்பாக இருந்தாலும்...

காதல் பூக்கள்...

கள்ளமில்லா உன் பார்வையால்
என்னைக் கொள்ளை கொண்டு
சென்று விட்டாய் திசை மறந்த
பறவையாய் திகைக்கிறோம்
நானும் என் காதலும்..

நாணயத்தை
தடவிப்பார்த்து மதிப்பிடும்
கண்ணில்லாக் கிழவி போல்
உன் மனம் தடவி
அறிந்து கொண்டேன்
நீ சொல்லாத காதலை..

சாளரத்தின் வழியே
உடல் நனைக்கும் மழைத்தூறலாய்
என் மனதை நனைத்தது
காதலுக்கு நம் பெற்றோரிடம்
சம்மதம் கிடைத்த தருணங்கள்..

பூட்டிய கதவை
இழுத்து சரிபார்ப்பதாய்
ஒவ்வொரு முறையும்
என்னிடம் செல்லச் சண்டையிட்டு
உறுதி செய்து கொள்கிறாய்
உன் மீதான என் காதலை..

செடி முழுக்க பூத்திருக்கும்
ரோஜாவாய் நம் மனத்தோட்டத்தில்
மலர்ந்திருக்கின்றன‌
என்றும் வாடாத காதல் பூக்கள்...

காதல் ஒரு இனிய விஷம்

அன்று
காதல் காதல் என்று கவி சிந்தி
காவியமாக்கினாய்
நம் காதலை.
இன்று
காதலை
காணல் நீராக்கி விட்டாயே..


காலத்தையும் கனிய வைப்பேன்
என நம்பிக்கை தந்தாய்
இப்போ..
என்னையும் மறந்து
காலத்தையும் மறந்து

நேரத்தையும் மறந்து
தூங்குகின்றாயே

உனக்காக எதையும் தியாகம்
செய்வேன்
காதலை மட்டும் தியாகம்
செய்து கொள்ள மாட்டேன்


உன்னை நினைத்து
கண்ணீர் சிந்தியும்
காதல் கரைந்து போகவில்லை
என்னும்...

நிலவை சுற்றவைக்கும்

நிலவை சுற்றவைக்கும்
பூமிக்கு நிலா சொந்தம்
பூமியை சுற்றவைக்கும்
சூரியனுக்கு பூமி சொந்தம்
இவை சூரிய குடும்பம்

என்னை
உன்பின்னால் சுற்றவைப்பதால்
நான் உனக்கு சொந்தம்
காதல்
உன்னை சுற்றவைப்பதல்
நீ காதலுக்கு சொந்தம்
நாம் காதல் குடும்பம்...

என்னால் முடிந்தது

நீரை எரிக்கவோ
மணலை திரிக்கவோ
நெருப்பை பணியாக்கவோ
காற்றை பிடிக்கவோ
ஆகாயத்தை அளக்கவோ
என்னால் முடியாது ……….

என்னால் முடிந்தது எல்லாம்
ஒன்றே ஒன்றுதான்
உன் நினைவுடன்
வாழ்வது....

அழகுசுற்றி

தன்னைத்தானே சுற்றிக்கொண்டு
சூரியனையும் சுற்ற
பூமிக்கு ஒரு ஆண்டு ஆகிறது
உன்னைமட்டுமே சுற்றும் எனக்கு
ஒரு ஆயுள்போதாது

உலகை சுற்றிவர
முப்பது நாட்கள்போதுமாம்
உன் அழகை சுற்றிவர
முன்னுறு ஆண்டுகள் வேண்டும்

நான் ஊர் சுற்றியல்ல
உன் அழகை சுற்றும்
அழகுசுற்றி...

காதலே காதலிக்கும் காதல்

காதல்வயப்பட்டவர்கள்
அனைவரும் சொல்லுகிறார்கள்
தான் காதலில் வீழ்ந்துவிட்டதாக

எப்போது வீழ்ந்தாலும் என்னை
மீட்டெடுப்பது காதல் பின்னெப்படி
சொல்லுவது நான் வீழ்ந்தேனென்று
வேண்டுமானால் காதலில் மீள்’தேன்னென்று
சொல்லிக்கொள்கிறேன்

காதலேன்னை சாய்த்துவிடுவதுதில்லை
மாறாக நான் துவண்டுவிடும்போதெல்லாம்
உன் மார்பில் சாய்த்து கொள்கிறது
நம் காதல் ஆறுதலாக

காதல் ஒரு சுறுக்குகயுறு என்கிறார்கள்
எனக்கு காதல் கொடிக்கம்பத்தில்
கட்டப்பட்டகயறு என்னை
எப்போதுமே உச்சியில் பறக்கவிடுகிறது

காதலித்தால் காதல்தவிரபிற
இயக்கம் மறந்துபோகுமேன்பார்கள்
என் வாழ்க்கை சக்கரம் சுழலுவதே
காதல் தரும் என்னையால்தான்

காதல் பார்த்து பாழாய்போனவர்
காதலில் வீழ்ந்து வீனாய்போனவர்
பலர்வுண்டு
காதலே காதலிக்கும் காதல்
நம்முடையாது

எல்லோரும் காதல் பிரிந்துவிட்டதென்று
என்றாவது ஒருநாள் சொல்லுகிறார்கள்
நாம் எப்படி சொல்லிகொள்ளுவது
ஒவொரு நாளும் இறுக்கமாக
பிணைத்துவைக்கிறது என்பதைதவிர

எல்லோருக்கும் எல்லாவயதினர்க்கும்
காதல் ” வந்து ” ” போகும் ” மென்பார்கள்
நமக்கு மட்டும் காதல்
நம்முடனே இருந்துவிடுகிறது ஒவொருநாளும்...

வீதி வழிபோகையில்

வீதி வழிபோகையில்
தலை நிமிர்ந்து
நெஞ்சு விரிந்து
கை வீசி
கால் நடக்கும்
ஆண்மையாய்

என் எதிரில்
நீ வந்தால்

தலைகுனிந்து
பாதம் பார்த்து
உள்ளம்துடிக்க
உதடுகடித்து
இதயம் ஏங்கும்
உன் ஓர விழி
விழியம்பு என்னை
தைக்காதவென்று...

உன் தோழிகளுடன்

உன் தோழிகளுடன்
பேசிக்கொண்டு இருப்பாய்
நானும் சற்றே எட்ட நின்று என்
தொழளர்களுடன் பேசிக்கொண்டு இருப்பேன்
உன்னை கானது போல்

இங்கே பாரடா

நான் இங்கேதானே இருக்கேன் என்று

உன் காதோரம் தலை நிவுவாய்
சரியாத உடையை சரிசெய்வதாக
செய்கைகள் புரிவாய்
என் கவனம் உன்மீது திரும்ப
இதற்கு பெயர் தான்
காதல்ஈர்ப்பு...

நீ பார்க்கும்

நீ பார்க்கும் போதெல்லாம்
பரிசாய் கொடுக்க எனக்கு
இதயங்கள் இல்லை
இருப்பதோ ஒரு இதயம்
பேசாமல் என்னை பார்த்துக்கொண்டே
இருந்துவிடு

நீ கண்களை வைத்திறுகிறாயா ?
காந்தங்களை வைத்திறுகிறாயா ?
நீ எப்போது பார்த்தாலும்
என்னை ஈர்த்துகொள்கிறது

நீ சிரிக்கும் போதெல்லாம்
எனக்கு சந்தேகம்
உன் பற்கள் எல்லாம் மணியாக
இருக்குமோவென்று

காற்றில் எதையோவரைந்து
கொண்டே இருக்கிறது உன்
நேற்றியோர கற்றை முடி
எப்படி பார்க்க அதுவரையும்
ஓவியத்தை

நீ நடனம் ஆடுகிராய ?..
நடக்கிறாயா ?..
உன்னை பொறுத்தமட்டில்
என் வரையில் இரண்டுமே
ஒன்றுதான்

நீ என்ன வாசனைதிரவிய
தொழிற்சாலையா ?..
உன்னை கடக்கும் காற்றில்
வீசும் வாசத்தை வைத்துசொல்கிறேன்...